لاہور( این این آئی)مسلم لیگ (ن) کے قائد محمد نواز شریف سے مختلف شخصیات نے ان کی رہائشگاہ جاتی امراء رائیونڈ میں ملاقات کر کے ان کی اہلیہ کلثوم نواز کے انتقال پر اظہار تعزیت اورفاتحہ خوانی کی ۔ گزشتہ روز مسلم لیگ (فنکشنل ) کے سربراہ وحروں کے روحانی پیشواپیر صبغت اللہ راشدی ،قومی وطن پارٹی کے سربراہ آفتاب شیرپائو، سینیٹر رانا مقبول، رانا شمیم، کرنل (ر)سیف قریشی، ناصر اعجاز ،یوسف صلاح الدین ،محمد علی درانی ،سینیٹر مشاہد حسین سید،غوث علی شاہ، عابد شیر علی،چوہدری شیر علی،سردار یعقوب ناصر سمیت دیگر شخصیات نے نواز شریف سے ملاقات کر کے ان کی اہلیہ کلثوم نواز کے انتقال پر اظہار تعزیت اور فاتحہ خوانی کی ۔ نواز شریف نے تعزیت کے لئے آنے والے تمام افراد کا خصوصی طور پر شکریہ ادا کیا ۔