سعودی عرب اسلام کے بکھرے شیرازے کو متحد کرسکتا ہے:لیاقت بلوچ

لاہور (خصوصی نامہ نگار)نائب امیر جماعت اسلامی پاکستان اور ملی یکجہتی کونسل کے سیکرٹری جنرل لیاقت بلوچ نے سعودی عرب کے 89 ویں قومی دن کی تقریب میں صحافیوںاور اسلام آباد میں میجر عامر کے عشائیہ میں احباب سے گفتگو کرتے ہوئے کہاہے کہ پاک سعودی تعلقات اسلامی اخوت و محبت اور حرمین شریفین کی گہری عقیدت و محبت سے جڑے ہوئے ہیں ۔ سعودی عرب عالم اسلام کے بکھرے شیرازہ کو متحد کر سکتاہے ۔ سعودی عرب نے ہمیشہ پاکستان کی فراخدلی سے مدد کی ہے ۔ مقبوضہ کشمیر کے عوام منتظر ہیں کہ عالم اسلام انہیں ہندوستان کے ظلم اور غیر انسانی ہتھکنڈوں سے نجات دلائے۔ عالم اسلام عالمی استعماری قوتوں کی سازش کی زد میں ہے۔