کوہاٹ(این این آئی)ضلع ہنگو کے علاقے دوآبہ کے نواح میں واقع طورہ وڑی میں ایک گھر پر آسمانی بجلی گرنے سے دو کمسن بہن بھائی جاں بحق جبکہ ماں شدید زخمی ہوگئیں۔ موصولہ ابتدائی معلومات کے مطابق گزشتہ شام ضلع ہنگوکے علاقے دوآبہ کے نواح میں واقع جدید بانڈہ(طورہ وڑی)میں ایک گھر پر آسمانی بجلی گرنے سے 3 سالہ نادیہ اور5سالہ محمد قاسم جاں بحق جبکہ بچوں کی والدہ شدید زخمی ہوگئیں۔ واقعہ کی اطلاع ملتے ہی پولیس تھانہ دوآبہ کی پولیس نے جائے وقوعہ پر پہنچ کر مقامی افراد کے ساتھ امدادی کاموں میں حصہ لیا اور جاں بحق و زخمی افراد کو ملبے تلے نکال کر قریبی ہسپتال پہنچایا۔