ادریس میمن کو کراچی چیمبر کا صدر منتخب ہونے پر اسمال ٹریڈرز کی مبارکباد

کراچی(کامرس رپورٹر) آل پاکستان آرگنائزیشن آف اسمال ٹریڈرز اینڈ کاٹیج انڈسٹریز کراچی کے صدر محمود حامد، سینئر نائب صدر سید لیاقت علی،نائب صدر جاوید حاجی عبد اللہ،، نوید احمد، جنرل سیکریٹری عثمان شریف نے کراچی چیمبر آف کامرس کے نو منتخب صدر ادریس میمن،سینئر نائب صدر عبد الرحمن، نائب صدر قاضی زاہد حسین اور دیگر کو ان کی بلا مقابلہ کامیابی پر مبارکباد دی ہے، اسمال ٹریڈرز کے رہنماؤں نے امید ظاہر کی ہے کہ نو منتخب عہدیداران اپنی صلاحیتوں کو بروئے کار لاتے ہوئے BMGگروپ کے بانی سراج قاسم تیلی مرحوم کی فکر اور ویڑن پر عمل پیرا ہوں گے، تاجر رہنماؤں نے کہا کہ BMGگروپ کی بلا مقابلہ کامیابی اس بات کا ثبوت ہے کہ کراچی کے تاجر BMGکی خدمات اور سراج قاسم تیلی کے بنائے ہوئے بلا امتیاز خدمت کے اْصولوں کے ساتھ ہیں،انہوں نے کہا کہ کراچی چیمبر کی قیادت نے تاجروں کی بلا امتیاز خدمت کی ہے، انہوں نے چھوٹے اور بڑے تاجرکے امتیاز کو ختم کردیا ہے،اسمال ٹریڈرز  کے رہنماؤں نے BMGگروپ کے قائد زبیر موتی والا اور اسمال ٹریڈرز کمیٹی کے چیئرمین مجید میمن کو بھی خراج تحسین پیش کیا جنہوں نے سراج قاسم تیلی کے بعد بحسن خوبی BMGگروپ کو ان کے اْصول ونظریات کے مطابق کامیابی سے آگے بڑھایا۔مسلسل 24سالہ کامیابی کا سفر بھی بلا امتیاز خدمت سب کے لیے کے زریں اْصول کا ثمر ہے۔