نیشنل ٹی ٹونٹی،دفاعی چیمپئن کے پی کی دوسری کامیابی

اسلام آباد(اسپورٹس رپورٹر)پنڈی کرکٹ اسٹیڈیم راولپنڈی میں جاری نیشنل ٹی ٹونٹی کے پہلے مرحلے  میں سندھ الیون نے ناردرن کو شکست دے دی ۔ ناردرن کی ٹیم نے ٹاس جیت کر بیٹنگ کا فیصلہ کیا  تاہم بڑا اسکور کرنے میں ناکام رہی اور پوری ٹیم 19اوور میں 136رنز بنا کرآئوٹ ہو گئی۔پنڈی کرکٹ اسٹیڈیم راولپنڈی میں جاری نیشنل ٹی ٹونٹی کے چھٹے میچ میں جی ایف ایس سندھ نیلو اسکورنگ میچ میں ناردرن کو چار وکٹوں سے ہرا کر ٹورنامنٹ میں مسلسل دوسری کامیابی حاصل کرلی ہے۔کپتان سرفراز احمد کو 42 رنز کی ناقابل شکست اننگز کھیلنے پر پلیئر آف دی میچ کا ایوارڈ دیا گیا۔جی ایف ایس سندھ نے 137 رنز کا مطلوبہ ہدف انیس اوورز میں چھ وکٹوں کے نقصان پر حاصل کرلیا۔ مطلوبہ ہدف کے تعاقب میں سندھ کی ابتدائی تین وکٹیں محض 36 کے مجموعی اسکور پر گر گئیں تاہم اوپنر شرجیل خان نے 25 گیندوں پر 7 چوکوں اور ایک چھکے کی بدولت 43 رنز کی جارحانہ اننگز کھیل کر سندھ کی جیت کی بنیاد رکھی۔  کپتان سرفراز احمد نے 42 رنز کی ناقابل شکست اننگز کھیلی۔ناردرن کے عماد وسیم اور حارث رؤف نے دو دو کھلاڑیوں کو آؤٹ کیا۔اس سے قبل ناردرن نے ٹاس جیت کر پہلے بیٹنگ کا فیصلہ کیا تواس کی پوری ٹیم 19.3 اوورز میں 136 رنز پر ڈھیر ہوگئی۔کپتان شاداب خان 7، آصف علی 10، عماد وسیم 18اور سہیل تنویر صفر  رنز پر آؤٹ ہوئے۔   محمد نواز بھی  30 کے انفرادی اسکور پر اسٹمپ آؤٹ ہوگئے۔اس موقع پردسویں نمبر پر میدان میں اترنے والے حارث رؤف نے9 گیندوں پر 2چھکوں اور ایک چوکے کی بدولت 19 رنز بناکر ٹیم کا مجموعہ 136 تک پہنچانے میں مدد کی۔انہوں نے آٹھویں وکٹ کے لیے  وکٹ کیپر بیٹر روحیل نذیر کے ہمراہ 28 قیمتی رنز جوڑے۔ روحیل نذیر 9 رنز بناکر ناٹ آؤٹ رہے۔سندھ کے شاہنواز دھانی نے 26 رنز کے عوض 3 وکٹیں حاصل کیں۔ زاہد محمود اور محمد حسنین نے دو، دو کھلاڑیوں کو آؤٹ کیا۔قبل ازیں ایونٹ کے پانچویں میچ میں خیبرپختونخوا نے اے ٹی ایف سدرن پنجاب کو بآسانی سات وکٹوں سے شکست دے دی ہے۔ دفاعی چیمپئن کی یہ ٹورنامنٹ میں مسلسل دوسری کامیابی ہے۔میچ میں چار وکٹیں حاصل کرنے پر عمران خان سینئر کو پلیئر آف دی میچ قرار دیا گیا۔فاتح ٹیم نے 153 رنز کا ہدف انیسویں  اوور کی چوتھی گیند پر حاصل کرلیا۔ کپتان محمد رضوان اور صاحبزادہ فرحان کی شاندار بیٹنگ نے خیبرپختونخوا کی جیت میں اہم کردار ادا کیا۔دونوں بیٹرز نے دوسری وکٹ کے لیے 136 رنز کی عمدہ شراکت قائم کی۔صاحبزادہ فرحان 49 گیندوں پر 73 رنز بناکر آؤٹ ہوئے۔  ان کی اننگز میں 6 چوکے اور 4 چھکے شامل تھے۔ کپتان محمد رضوان نے 47 گیندوں پر 64 رنز بنائے۔ ان کی اننگز میں 6 چوکے اور ایک چھکا شامل تھا۔افتخار احمد اور عادل امین چھ، چھ رنز بناکر  ناٹ آؤٹ رہے۔خیبرپختونخوا کے آؤٹ ہونے والے پہلے بیٹر اوپنر فخر زمان تھے۔ وہ ایک کے انفرادی اسکور پر نسیم شاہ کی گیند پر ایل بی ڈبلیو آؤٹ ہوگئے تھے۔اس سے قبل خیبرپختونخوا نے ٹاس جیت کر پہلے فیلڈنگ کا فیصلہ کیا تو سدرن پنجاب کی پوری ٹیم 19.4 اوورز میں 152 رنز پر ڈھیر ہوگئی۔ خیبرپختونخوا کے فاسٹ باؤلرز نیمیچ کے آغاز سے ہی شاندار کھیل کا مظاہرہ کیا۔ عمران رندھاوا کے علاوہ سدرن پنجاب کا کوئی بھی بیٹر عمران خان سینئر، شاہین شاہ آفریدی ، ارشد اقبال اور محمد وسیم جونیئر پر مشتمل مضبوط باؤلنگ اٹیک کے سامنے زیادہ دیر کریز پر نہ ٹھہر سکا اور وقفے وقفے سے وکٹیں گرنے کا سلسلہ جاری۔عمران رندھاوا 46 گیندوں پر 7 چوکوں اور ایک چھکے کی بدولت 54 رنز بناکر ٹاپ اسکورر رہے۔ حسان خان 25 اور خوشدل شاہ 24 نز بنا کر آؤٹ ہوئے۔اس دوران زین عباس 12، ذیشان اشرف 11، صہیب مقصود صفر، اعظم خان 14، عامر یامین 2، محمد الیاس 1 اور نسیم شاہ بغیر کوئی رن بنائے آؤٹ ہوئے۔خیبرپختونخوا کے عمران خان سینئر نے 28 رنز کے عوض 4 کھلاڑیوں کو پویلین کی راہ دکھائی۔ شاہین شاہ آفریدی نے 3 جبکہ محمد وسیم جونیئر نے دو وکٹیں حاصل کیں۔