اولیاء کرام نے سنت رسولؐ کی روشنی میں عوام کی رہنمائی کی: ہاشم علی شاہ زنجانی

لاہور (نیوز رپورٹر) سجادہ نشین حضرت میراں حسین شاہ زنجانی و حضرت یعقوب حسین شاہ زنجانی المعروف شاہ صدر دیوان پیر سید ہاشم علی شاہ زنجانی نے کہا ہے کہ اولیاء کرام نے قرآن پاک اور سنت رسول ؐ کی روشنی میں عوام کی رہنمائی کی۔ اﷲ تعالیٰ کے ان نیک بندوں نے انسانیت کی خدمت اور علم کے ذریعے برصغیر میں اسلام پھیلایا۔ اولیاء کرام کی خدمات تاریخ کا سنہرا باب ہیں۔ حضرت علی ہجویری المعروف داتا گنج بخشؒ اور انکے پیر بھائی سید میراں حسین شاہ زنجانی‘ حضرت یعقوب حسین شاہ زنجانی نے دین کی خدمت کیلئے اپنی زندگیاں وقف کر دیں۔ اﷲ تعالیٰ نے ان کا نام تاریخ میں روشن کر دیا۔ ان کی تعلیمات مشعل راہ ہیں۔