لاہور(نامہ نگار)پیپلز پارٹی وسطی پنجاب کے زیر اہتمام تےن اہم اجلاس 27 سے 29 ستمبر تک پےپلز پارٹی پنجاب سیکرٹریٹ ماڈل ٹاو¿ن میں منعقد ہوں گے۔ پنجاب ایگزیکٹو کااجلاس 28 ستمبر بروز بدھ ہو گا ۔جس میں ڈویژنل تنظیمیں اپنی تنظیمی کارکردگی اور متاثرین سیلاب کی امداد کے حوالے سے اب تک کی سرگرمیوں سے آگاہ کرےں گی جبکہ پیپلز پارٹی وسطی پنجاب انفارمیشن بیورو کے زیر اہتمام پیپلز یوتھ اور پی ایس ایف پنجاب کے سیکرٹریز اطلاعات کے الگ الگ اجلاس کل پیپلز پارٹی وسطی پنجاب سیکرٹریٹ 158 سی ماڈل ٹاو¿ن میں بالترتیب صبح 11 بجے اور 2 بجے ہوں گے۔اسی طرح پاکستان پیپلزپارٹی وسطی پنجاب کے ڈویژن،ضلعی،سٹی اور تحصیل کے سیکرٹریز اطلاعات کا اجلاس 29 ستمبر بروز جمعرات دن 12 بجے 158 سی ماڈل ٹاو¿ن میں سیکرٹری اطلاعات شہزاد سعید چیمہ کی زیر صدارت ہو گا۔