پاکستان کرکٹ بورڈنے میچ آفیشلز کیلئے ماہانہ وظیفے کا اعلان کردیا

 لاہور(سپورٹس رپورٹر) پاکستان کرکٹ بورڈ نے میچ آفیشلز کے سپلیمنٹری پینل کو ماہوار وظیفہ جاری کرنے کا اعلان کردیا۔ وظیفہ 23 رکنی اس پینل میں 15 امپائرز اور 8 میچ ریفریز شامل ہیں، جنہیں ماہوار 25 ہزار روپے وظیفہ ملے گا۔ انٹرنیشنل پینل کا ماہوار وظیفہ 1 لاکھ 32 ہزار 250 روپے اور ایلیٹ پینل کو ماہوار 69 ہزار 575 روپے ماہوار وظیفہ دیا جاتا ہے۔ پی سی بی تمام میچز آفیشلز کو میچ فیس (10ہزار روپے روزانہ) اور ڈیلی الاو¿نس (2500 روپے روزانہ) دینے کےساتھ ساتھ ان کے سفری اور رہائشی اخراجات بھی اٹھاتا ہے۔لہٰذا، اب میچ آفیشلز کسی ایک چار روزہ میچ میں 52 ہزار روپے تک کما سکتے ہیں، وہ محدود طرز کی کرکٹ میں اب ہر میچ میں 15 ہزار روپے کماسکتے ہیں۔پی سی بی اپنے میچ سکوررز کا بھی خیال رکھتے ہوئے، ایک ڈومیسٹک میچ میں میچ سکورر کو 7500 روپے روزانہ ملیں گے۔ انہیں اس میچ میں 2500 روپے ڈیلی الاو¿نس بھی ملے گا۔پریکٹس میچ میں اسکورر کو روزانہ 1500 روپے میچ فیس اور 2000 روپے ڈیلی الاو¿نس ملے گا۔ڈومیسٹک اور ایج گروپ کرکٹ میں پی سی بی انہیں لاجسٹک سہولیات بھی مہیا کرتا ہے۔