لاہور(سپورٹس رپورٹر)کراچی کے نیشنل سٹیڈیم میں پاکستان اور انگلینڈ کے مابین ٹی 20 سیریز کے چوتھے میچ کے موقع پر شائقین کو جعلی ٹکٹ فروخت کرنے والے ملزم کو پولیس نے گرفتار کر لیا۔گیٹ پر درجن سے زائد ایسے شائقین آئے، جن کے پاس ٹکٹ جعلی تھے۔ان افراد سے پوچھ گچھ کی گئی تو نیشنل سٹیڈیم کے قریب ہی ایک ایسے شخص کی نشاندہی ہوئی، جو ٹکٹ بیچ رہا تھا۔

ملزم سودھیش رضا کو فوری طور پر گرفتار کر لیا گیا ‘چوتھے میچ کے 19 جعلی ٹکٹ برآمد ہوئے۔عزیز بھٹی تھانے میںملزم کیخلاف دفعہ 420 کے تحت ایف آئی آر نمبر 206 درج کرلی گئی جبکہ شائقین کو پوچھ گچھ کے بعد چھوڑ دیا گیا۔