ٹبہ سلطان پور (سٹی رپورٹر) ملک کو تباہی سے بچانے کا واحد حل ڈیموں کی فوری تعمیر ہے اربوں روپے کے نقصان سے بچنے کے ساتھ ساتھ زرعی انقلاب, سستی بجلی کا حصول یقینی ہوگا ان خیالات کا اظہار سیاسی اور سماجی شخصیات سید الطاف حسین شاہ, جوہدری سعید ملک فاروق ,ناصر کچھی ملک افتخار,طارق رشید, نواب مزمل, سہیل یونس خان, عمران خان عبد الغفور مغل, قیوم خان منیس میاں سجاد بھٹی ودیگر نے ایک پروگرام کے اختتام پر نوائے وقت سے خصوصی گفتگو کرتے ہوئے کیا اپنے مشترکہ بیان میں انہوں نے کہا کہ پاک فوج نے استحکام پاکستان اور مشکل گھڑی میں ہمیشہ پاکستانی عوام کا ساتھ دیا ہے سیلاب متاثرین کو مشکل وقت میں پاک فوج نے ہی کندھا دیا ہماری دعا ہے کہ خدا سیلاب متاثرین کی مشکلات کو حل کرے اور جلد از جلد ان کی بحالی ممکن ہو پاک افواج نے سیلاب متاثرین کی ہرممکن مدد کرکے ثابت کیا ہے کہ افواج پاکستان اور عوام ایک صف میں کھڑے ہیں۔