بھٹہ ایسوسی ایشن صدر ،جنرل سیکر ٹری کی زیر صدارت ہنگامی اجلاس ،پختہ اینٹوں کے ریٹ مقرر

فیصل آباد(نمائندہ خصوصی) بھٹہ مالکان ایسوسی ایشن نڑوالا روڈ سیکٹر نے ضلعی قیادت کی ہدائت پرپختہ اینٹ اول کلاس 14ہزار روپے فی ہزار ،دوئم کلاس،تڑک کا ریٹ11ہزار روپے مقرر کر دیا ہے۔ تمام ممبران نئے ریٹ پر اینٹیں فروخت کرنے کے پابند ہوں گے ۔نئے ریٹ کی خلاف ورزی کرنے والے بھٹہ کے خلاف سخت لائحہ عمل بنایا جائے گا ۔ ان خیالات کا اظہار صدر رانا آصف صادق خاں ،جنرل سیکر ٹری رانا رئوف خاں کی زیر صدارت ہنگامی اجلاس میں کیا گیا ۔ رانا عبدالجبار خاں، چو ہدری نواز،چوہدری طارق بسرا،ذیشان ڈوگر، حاجی ابراہیم، فاروق وینس، ملک مٹھو،اسد یوسف،حاجی صفدر،چوہدری شکیل، امجد ورک، حاجی ارشد، اور دیگر بھی اس موقع پر موجودتھے۔