چندی گڑھ: طالبات کی نامناسب ویڈیوز کا معاملہ، بھارتی فوجی گرفتار

چندی گڑھ (این این آئی )بھارتی ریاست پنجاب کی پولیس نے دعوی کیا ہے کہ انہوں نے چندی گڑھ یونیورسٹی میں طالبات کی نامناسب ویڈیوز لیک کرنے کے معاملے میں ایک بھارتی فوجی کو بھی گرفتار کرلیا ہے۔ جامعہ کے ہاسٹل میں طالبات کی نامناسب ویڈیوز کے معاملے میں چھاپوں اور گرفتاریوں کا سلسلہ جاری ہے، جہاں اب بھارتی پولیس نے اس کیس میں ایک فوجی کو بھی گرفتار کرلیا۔ اس حوالے سے بھارتی میڈیا نے رپورٹ کیا کہ نامناسب ویڈیوز کی ریلیز کے الزام میں اروناچل پردیش سے تعلق رکھنے والے بھارتی فوجی سنجیو سنگھ پولیس کو مطلوب تھے۔ ریاست پنجاب کی پولیس نے دعوی کیا ہے کہ انہوں نے سنجیو سنگھ کو گرفتار کرلیا ہے جبکہ انہیں جلد موہالی کی عدالت میں پیش کیا جائے گا۔ خیال رہے کہ مذکورہ کیس میں پہلے ہی خاتون سمیت تین ملزمان گرفتار کیے جاچکے ہیں۔
بھارتی فوجی گرفتار