تاجر‘ مشائخ علماء کنونشن آج لاہور  میں ہونگے‘ عمران خطاب کریں گے

لاہور (نیوز رپورٹر + خصوصی نامہ نگار)  تاجر‘ مشائخ علماء کنونشن آج لاہور میں ہونگے۔ پاکستان تحریک انصاف کے چیئرمین عمران خان خطاب کریں گے۔ پی ٹی آئی کے فوکل پرسن برائے ٹریڈرز ناصر سلمان سینئر رہنمائوں ناصر انصاری ملک امانت علی راجہ شاہد اور عمران سلیمی و دیگر نے کہا آ ج الحمرا ہال میں انصاف ٹریڈر ونگ کے زیراہتمام تاجر کنونشن ہوگا۔ انٹرنیشنل مشائخ کونسل کے زیراہتمام  مشائخ و علماء کنونشن لاہور کے مقامی ہوٹل میں منعقد ہوگا جس کے مہمان خصوصی عمران خان ہونگے۔ تقریب کی صدارت سجادہ نشین امیر ملت سید منور حسین شاہ جماعتی کریں گے۔ کنونشن کا ایجنڈا ’’تحفظ ناموس رسالت و ختم نبوت‘ استحکام و سالمیت و تکمیل پاکستان اور آزاد و خودمختار پاکستان‘‘ ہے۔
 تاجر/مشائخ علماء کنونشن