گوجرانوالہ (نمائندہ خصوصی )ورکرز ویلفیئرگرلز سکول گلشن کا لونی کی ہونہار طالبات نے میٹرک کے امتحان میں ورکرز ویلفیئر بورڈ میں پہلی پوزیشن حا صل کر کے ادارے کا نام روشن کیا ، شاندار رزلٹ پرسکول پرنسپل میڈم شبا نہ اور ٹیچرز مبارکباد کی مستحق ہیں ان خیالات کا اظہار ڈائریکٹر ایجوکیشن پنجاب ورکر ویلفئیر فنڈ خالد امیر نے سکول کی سالا نہ تقریب تقسیم انعامات میں بطور مہمان خصوصی خطاب کر تے ہو ئے کیا انہوں نے کہاکہ ورکرز ویلفیئر گرلزسکول کی طیالبات ماہین وحید نے 1082 نمبر لیکر صو بہ بھر کے ورکرز ویلفیئر سکولز میں پہلی مریم عمران نے 1067 نمبر حاصل کر کے سکول میں دوسری اور انفال عمران نے 1064 نمبرز لیکر تیسری پوزیشن حاصل کی ۔ پرنسپل شبا نہ کو ثر نے کہاکہ ہونہار طالبات کی تاریخی کا میا بی سکول ٹیم ورک کا نتیجہ ہے اس موقع پر پوزیشن ہولڈر طا لبات میں سرٹیفکیٹس ،نقد انعامات اور ٹیچرز میں سرٹیفکیٹس تقسیم کئے گئے۔تقریب میں پرنسپل ورکرز ویلفیئر ہائیرسکولز سائرہ شبنم ،محمد نوید ، فوزیہ رعنا،عدنان نعیم ، فرحت رخسانہ نے بھی شرکت کی۔