پاک فوج کا ہیلی کاپٹر کھوسٹ ہرنائی میں گر کر تباہ ہوگیا ہے جس میں سوار چھ اہلکار شہید ہوگئے ہیں۔
پاک فوج کے شعبہ تعلقات عامہ (آئی ایس پی آر) کے مطابق پاک فوج کا ہیلی کاپٹر کھوسٹ ہرنائی میں گر کر تباہ ہوگیا ہے۔آئی ایس پی آر نے بتایا ہے کہ ہیلی کاپٹر میں سوار دو پائلٹس سمیت موجود تمام چھ اہلکار شہید ہوگئے ہیں ۔آئی ایس پی آر کے مطابق ہیلی کاپٹر فلائنگ مشن پر تھا تاہم یہ واقعہ گزشتہ رات پیش آیا ہے۔آئی ایس پی آر نے بتایا ہے کہ شہداء میں پائلٹ میجر محمد منیب افضل، پائلٹ میجر خرم شہزاد، نائیک جلیل ،صوبیدار عبد الواحد سپاہی شعیب سپاہی محمد عمران شامل ہیں۔
