لاہور(سپورٹس رپورٹر) ورلڈکپ 2023 کے سکواڈ میں شامل قومی کرکٹر حارث رو¿ف کا کہنا ہے کہ ورلڈکپ کے سیمی فائنل میں کون کون ہوتا ہے اس کا علم نہیں تاہم ہم خود کو فائنل میں دیکھ رہے ہیں۔ فاسٹ بولر نے کہا کہ ورلڈکپ میں پاکستان کی نمائندگی کرنا اعزاز ہے۔ ایشین کنڈیشنز ہیں فرق نہیں پڑے گا۔ ہم بہترین ہیں، ہم جارح مزاج ہیں اور ہم اچھا کھیلنے کیلئے تیار ہیں۔نسیم شاہ کے ورلڈکپ سے باہر ہونے پر حارث رو¿ف نے کہاکہ نسیم سے فرق تو پڑے گا وہ نہیں ہیں تاہم جو دوسرے بولرز ہیں وہ بھی اچھے ہیں اور متحرک ہیں، حسن علی کا کم بیک ہے۔ امید ہے وہ اچھا کریں گے۔بولنگ سکلز پر بات کرتے ہوئے حارث رﺅف نے کہاکہ نیاگیند کرنا یاپرانا کرنا میرے ہاتھ میں نہیں ہے، مجھے جہاں موقع ملے گا میں 100 فیصد دینے کی کوشش کروں گا، کوئی انفرادی گول نہیں، پہلے ٹیم کا سوچنا ہے بعد میں اپنا، وہاں جا کر دیکھیں گے کہ کنڈیشنز کیسی ہیں اور پھر پلان سیٹ کریں گے، میرے لیے ہر وکٹ اہم ہوتی ہے، اچھے کھلاڑی کو آو¿ٹ کرکے اعتماد ملتا ہے، ویرات کوہلی کو آو¿ٹ کر پایا تو تھیک ہے نہ بھی کر پایا تو پھر بھی ٹھیک ہے۔انہوں نے کہا کہ کھیل میں اونچ نیچ آتی رہتی ہے ہمارے بولرز نے ہمیشہ پرفارم کیا ہے،ایسا نہیں ہے کہ ہمارے بولرز بڑے میچز میں اچھا نہیں کر پاتے۔