ایشین گیمز میں ہاکی کے ایونٹ میں پاکستان اپنے گروپ کا دوسرا میچ بنگلہ دیش کے خلاف آج کھیلے گا

لاہور(سپورٹس رپورٹر ) چین کے شہر ہانگژو میں جاری 19ویں ایشین گیمز میں ہاکی کے ایونٹ میں پاکستان اپنے گروپ کا دوسرا میچ بنگلہ دیش کے خلاف (آج) منگل26 ستمبر کو کھیلے گا۔ اس سے قبل پاکستان نے اپنے پہلے میچ میں سنگا پور کو صفر کے مقابلہ میں گیارہ گول سے ہرا دیا تھا۔ اولیمپین راﺅ سلیم ناظم نے کہا کہ قومی ٹیم کے کھلاڑی بنگلہ دیش کے خلاف بھی اسی طرح متحد ہوکر جذبے کے ساتھ تو بنگلہ دیش کے خلاف بھی کامیابی حاصل کریں گے۔ایشین گیمز ہاکی مقابلوں میں بارہ ٹیمیں شرکت کررہی ہیں۔ جن کو دو گروپوں میں تقسیم کیا گیا تھا۔ پاکستان سمیت بھارت، جاپان، بنگلہ دیش، سنگا پور اور ازبکستان کی ٹیمیں گروپ اے میں شامل ہیں جبکہ کوریا ، ملائشیا، چین، عمان، تھائی لینڈ اور انڈونیشیا کی ٹیمیں گروپ بی میں شامل ہیں۔