گھی‘ کوکنگ آئل 20 سے 34 روپے کلو تک سستا

 لاہور(کامرس رپورٹر )روپے کے مقابلے میں ڈالر کی قدر میں کمی کے باعث گھی کی فی کلو قیمت میں20 روپے سے 34 روپے تک کمی ہوگئی ہے۔گھی ڈیلرز کے مطابق درجہ سوم گھی کی فی کلو قیمت 34 روپے کمی سے 356 روپے ہوگئی ہے، جبکہ درجہ دوم کی فی کلو قیمت 34 روپے کی کمی سے 454 روپے ہوگئی ہے۔گھی ڈیلرز نے بتایا درجہ اول کے گھی اور کوکنگ آئل کی قیمت میں 20 روپے کلو کی کمی ہوئی ہے جس کے بعد درجہ اول گھی 540 روپے اور کوکنگ آئل 550 روپے میں فروخت ہو رہا ہے۔