گوجرانوالہ:ڈسٹرکٹ کوآرڈی نیشن کمیٹی بہبود آبادی کا ماہانہ اجلاس

گوجرانوالہ (نمائندہ خصوصی )ڈسٹرکٹ کوآرڈی نیشن کمیٹی برائے بہبود آبادی کا ماہانہ اجلاس ایڈیشنل ڈپٹی کمشنر ( ریونیو)گوجرانوالہ ڈاکٹر مجتبیٰ عرفات خان کی زیر صدارت ہوا ضلعی آفیسر بہبود آبادی عدنان اشرف نے محکمانہ کارکردگی کے حوالے سے تفصیلی بریفنگ دی۔انہوں نے اجلاس کوبتایا کہ عوام الناس تک خاندانی منصوبہ بندی اور خوشحال معاشرے کے قیام کیلئے فلاحی مراکز فیملی ہیلتھ مراکز یونٹس اور سیٹلائٹ کیمپس کے ذریعے متوازن خاندان کا پیغام اور فیملی پلاننگ کی سہولیات مفت پہنچائی جا رہی ہیں اس ضمن میں گذشتہ تین ماہ میں 128 فیملی ہیلتھ موبائل یونٹس146 سیٹلائٹ کیمپس کا انعقاد کیا گیا جس سے 9 ہزار سے زائد افراد نے استفادہ حاصل کیا۔انہو ں نے اجلاس کو مزید بتایا کہ لوگوں تک متوازن خاندان کا پیغام پہنچانے کے لئے علمائے کرام کے ساتھ سیشن طلبا و طالبات کے لئے آگاہی لیکچرز اور تحصیل لیول پر آگاہی سیمینار کا انعقاد کیاگیا،ایڈیشنل ڈپٹی کمشنر گوجرانوالہ ڈاکٹر مجتبی عرفات خاں نے محکمہ کی کارکردگی کو سراہتے ہوئے ہدایات جاری کیں۔