پیر سید وارث شاہ کے عرس کی 3 روزہ تقریبات اختتام پذیر

شیخوپورہ(نمائندہ نوائے وقت)صوفی شاعر قصہ ہیر کے خالق پیر سید وارث شاہ کے سالانہ عرس کی جنڈیالہ شیرخان میں واقع ان کے دربار پر جاری تین روزہ تقریبات اختتام پذیر ہو گئیں اختتامی روز ڈپٹی کمشنر شیخوپورہ شاہد عمران مارتھ نے قصہ ہیر خوانی کے مقابلوں کے فاتح ہیر خوان کو ٹرافی اور نقد انعام دیا جبکہ والی بال اور کبڈی کے مقابلوں میں بہترین کھیل کا مظاہرہ کرنے والے کھلاڑیوں میں بھی انعامات تقسیم کئے گئے، تقریب کے اختتام پر ملکی سلامتی و ترقی کی خصوصی دعا کی گئی اس موقع پر سرکاری افسران و نمائندہ افراد موجود تھے۔