لاہور(سٹاف رپورٹر)آرگنائزڈکرائم یونٹ چوہنگ نے شاہدرہ کے علاقہ میں ہونیوالی اندھے قتل کی2 واردات ٹریس کرکے شوٹرز  گرفتارکرلئے۔ ڈی ایس پی آرگنائزڈکرائم یونٹ چوہنگ فا روق اصغر اعو ان نے کارروائی کے دوران اندھے قتل کے ملزمان شہزاد امانت اور محمد احمد کو گرفتار کر لیا۔ ڈی ایس پی چوہنگ فاروق اصغراعوان کا کہنا ہے کہ ملزمان اجرتی قاتل ہیں جنہوں نے 2023 میں زکریا اور 2024 میں افتخار نامی شہریوں کو قتل کیا تھا دوران تفتیش ملزمان کا 1لاکھ روپے کے عوض دو افراد کو قتل ، درجنوں ڈکیتی اور نقب زنی کی وارداتوں کا بھی انکشاف کیا ہے  ۔