ویمنز ٹی ٹونٹی ورلڈ کپ‘قومی ٹیم کی دبئی میںپریکٹس‘ آج بھی سیشنز ہونگے

لاہور(سپورٹس رپورٹر)آئی سی سی ویمن ٹی ٹونٹی ورلڈ کپ پاکستان کی ویمن کرکٹ ٹیم نے گزشتہ روز دبئی میں پریکٹس سیشن میں حصہ لیا ۔  آج بھی آئی سی سی اکیڈمی اوول 2پر پریکٹس کریگی، کھلاڑی مقامی وقت کے مطابق شام 6بجے سے رات 9بجے تک پریکٹس سیشن میں حصہ لیںگی۔ بائولنگ‘ بیٹنگ اور فیلڈنگ کی پریکٹس کریں گی ،ہیڈ کوچ محمد وسیم ، فاسٹ بائولنگ کوچ  جنیدخان، سپن باولنگ کوچ عبدالرحمن، فیلڈنگ کوچ حنیف ملک پریکٹس کرائیں گے ۔ پاکستان ویمن کرکٹ ٹیم سکاٹ لینڈ اور بنگلہ دیش کیساتھ وارم اپ میچ کھیلے گی ،پہلا وارم اپ میچ 28ستمبر کو سکاٹ لینڈ اور دوسرا 30ستمبر کو بنگلادیش کیساتھ ہو گا ۔پاکستانی ٹیم افتتاحی میچ  3اکتوبر کو سری لنکا کیخلاف کھیلے گی ۔