شارلٹس ول اوپن سکواش چیمپئن شپ‘ پاکستان کا شاندارآغاز

لاہور(سپورٹس رپورٹر)امریکی ریاست ورجینیا میں شروع ہونے والی شارلٹس ول اوپن سکواش چیمپئن شپ 2024 میں پاکستان نے پہلے راؤنڈ میں کامیابی کے ساتھ شاندار آغاز کیا۔پاکستانی کھلاڑی عشب عرفان نے گوئٹے مالا کے ایلیجاندرو اینرکس کو 3۔ 0  سے شکست دیکر اگلے راؤنڈ میں جگہ بنائی، عشب کی جیت کا سکور 11-6، 12-10، اور 11-4 رہا جس کے ساتھ انہوں نے ٹاپ ٹیئر ٹورنامنٹ میں اپنا پہلا میچ بھی جیتا۔ پاکستانی پلیئر عاصم خان نے برازیل کے ڈیاگو گوبی کو 3۔ 2 سے شکست دی، ابتدائی 2 گیمز میں 0-2 کے خسارے میں جانے کے باوجود، عاصم نے شاندار کم بیک کرتے ہوئے باقی 3 گیمز جیت کر میچ اپنے نام کیا اور ان کی کامیابی کا سکور 5-11، 9-11، 11-8، 11-8، اور 11-8 رہا۔دوسرے راؤنڈ میں عاصم خان کا مقابلہ مصر کے ورلڈ نمبر 45 یحییٰ النواسانی سے ہوگا، جبکہ عشب عرفان مصر کے ابراہیم الکابانی کا سامنا کریں گے ۔ ٹورنامنٹ کی مجموعی انعامی رقم 28 ہزار 750 ڈالرز ہے۔