گوجرانوالہ:پی ایچ اے ، جی ڈی اے کا تجاوزات کیخلاف مشترکہ آپریشن

گوجرانوالہ(نمائندہ خصوصی)پی ایچ اے اور جی ڈی اے نے ماڈل ٹائون مارکیٹ میں تجاوزات کیخلاف مشترکہ آپریشن کرکے کرسیاں،ٹیبلز،بینچ و دیگر سامان ضبط کر لیا ۔ کارروائی ڈائریکٹر جنرل پارکس اینڈ ہارٹیکلچر اتھارٹی میاں عتیق الرحمن کی زیر نگرانی عمل میں لائی گئی ۔ گرین بیلٹس پر ہوٹل مالکان نے تجاوزات قائم کرکے وہاں ریڑھیاں،کھوکھے،ٹھیلے اور پختہ تھڑے بنا رکھے تھے جس کے باعث ٹرانسپورٹرز اور شہریوں کا وہاں سے گزرنا محال بن چکا تھا۔ہوٹل مالکان کا سامان ضبط کر لیا اور پختہ تھڑے بھی مسمار کر دیئے۔ڈائریکٹر جنرل پی ایچ اے میاں عتیق الرحمن نے بتایا کہ گرین بیلٹس اور پارکس کی حفاظت کرنا ہر شہری کا فریضہ ہے۔