پی ایچ اے کی جانب سے موسم سرما کے پھولوں کی کاشت شروع

لاہور(نیوز رپورٹر)پارکس اینڈ ہارٹی کلچر اتھارٹی نے لاہور میں موسم سرما کے دیدہ زیب پھولوں کی کاشت شروع کر دی ہے۔ ڈائریکٹر جنرل محمد طاہر وٹو نے بتایا کہ شہر بھر میں میری گولڈ اور جعفری کے رنگا رنگ پھولوں کی پنیری لگائی جا رہی ہے۔ گلبرگ، فیروزپور روڈ، کینال روڈ، ڈاکٹرز ہسپتال، علی زیب روڈ اور مین بولیوارڈ سبزہ زار سمیت دیگر علاقوں کی گرین بیلٹس میں پنیری لگائی جا رہی ہے۔ ستمبر کے آخری ایام میں لگائے جانیوالے یہ پھول مارچ کے آخر تک لگے رہتے ہیں۔ پی ایچ اے لاہور کو حقیقی معنوں میں باغات اور پھولوں کا شہر بنانے کیلئے کوشاں ہے۔