پاکستان کے جے ایف17 سی لڑاکا طیارے آذربائیجان کی فضائیہ کے بیڑے میں شامل

باکو (نیٹ نیوز) پاکستان اور  چین کے اشتراک سے بنائے گئے جے ایف 17 سی  لڑاکا طیارے آذربائیجان کی فضائیہ کے بیڑے میں شامل کرلیے گئے ہیں۔ آذر بائیجان کی وزارت دفاع نے  پاکستان کی جانب سے فراہم کردہ جے ایف 17 سی جنگی طیارے آذربائیجان کی فضائیہ کے بیڑے میں شامل کرنے کا اعلان کیا ہے۔ صدر الہام علیوف نے پاکستانی فوجی حکام کے ہمراہ طیارے کی مہارت کا مشاہدہ کیا۔ صدر الہام علیوف نے جہاز میں بیٹھ کر بھی اس کا جائزہ لیا۔