ہارو ن آباد(نامہ نگار)ہارون آباد کے نواحی گاؤں115/6 آر میں پسند کی شادی کا خوفناک انجام، لڑکی کے والد نے ساتھیوں کے ہمراہ فائرنگ کر کے جوڑے کو موت کے گھاٹ اتار دیا۔ نواحی علاقہ تھانہ فقیروالی کے گاؤں115/6 آر میں فائرنگ سے لڑکا اور لڑکی قتل کر دئیے گئے،مقتولین نے گزشتہ روز پسند کی شادی کی تھی ،جاں بحق ہونے والوں کی نعیم اور طیبہ بی بی کے نام سے شناخت ہوئی ہے۔ پولیس نے موقع پر پہنچ کر لاشوں کو تحویل میں لے کر کارروائی کا آغاز کر دیا ہے۔ ملزمان فائرنگ کے بعد موقع سے فرار ہو گئے۔