ویمن چیمبرآف کامرس کاخواتین کو امپاور کرنے میں اہم کردار:گورنر پنجاب

فیصل آباد (نمائندہ خصوصی) ویمن چیمبر آف کامرس اینڈ انڈسٹری میں تقریب سے خطاب کرتے گورنر پنجاب سردار سلیم حیدر خان نے کہا ہے کہ ویمن چیمبر آف کامرس اینڈ انڈسٹری خواتین کو امپاور کرنے میں اہم کردار ادا کر رہا ہے۔صوبے کے دور دراز علاقوں میں  ویمن چیمبرز آف کامرس کی موجودگی اس بات کی علامت ہے کہ خواتین اب صنعت و تجارت میں بھی اپنی صلاحیتوں کا لوہا منوا رہی ہیں۔ انہوں نے کہا میں وطن عزیز کی بہتری کیلئے اپنی تمام تر صلاحیتیں بروئے کار لاؤں گا۔ ملک کو مشکل حالات سے نکالنے کیلئے سب کو ملکر کام کرنا ہوگا۔علاوہ ازیں گورنر پنجاب سلیم حیدر خان نے عزیز فاطمہ میڈیکل اینڈ ڈینٹل کالج کی سالانہ تقریب تقسیم انعامات سے خطاب کرتے کہا ہمارے نوجوان باصلاحیت ہیں اور یہ آنے والے وقت میں ملک اور معاشرے کو ترقی کے بام عروج پر لے جائیں گے۔گورنر پنجاب نے کہا تعلیمی اداروں کو طلبہ و طالبات کی کردار سازی پر خصوصی توجہ دینی چاہیے تاکہ یہ معاشرے کیلئے زیادہ سے زیادہ مفید فرد بن سکیں۔