الیکشن کمیشن کی جانب سے ذاتی تنقید سے باز رہنے کی ہدایت کے باوجود تحریک انصاف کے چیئرمیں شریف برادران پر نشتر چلاتے رہےبہاولپورمیں جلسہ عام سے خطاب کرتے ہوئے عمران خان نے نواز شریف کو ایک بار پھر مناظرے کی دعوت دیتے ہوئے کہا اوئےمیاں صاحب اتنا نہ ڈرو تھوڑا حوصلہ کروگیدڑ کبھی لیڈر نہیں بن سکتا، عمران خان نے کہا کہ پنجاب میں پانچ باریاں لے کرشریف برادران نے کچھ نہیں کیا توچھٹی باری لے کر کیا کرلیں گے تحریک انصاف کے سربراہ کا کہنا تھا کہ نوازاورشہبازتجربے کی بنیاد پر ووٹ مانگتے ہیں ان کے تجربوں سے اللہ بچائے انہوں نے تجربے کی بنیاد پرفیکٹریاں کھڑی کرلیں لیکن غریب عوام کا کچھ نہیں کیا، تحریک انصاف کے چیئرمین کا کہنا تھا کہ وہ موروثی سیاست کو ختم کرنا چاہتے ہیں جماعتوں میں بادشاہت نہیں جمہوریت ہونی چاہیے نون لیگ میں جس کے نام کے ساتھ شریف نہ ہو اورپیپلزپارٹی میں جوبھٹو نہ ہووہ لیڈر نہیں بن سکتاجبکہ تحریک انصاف کی قیادت کوئی بھی نوجوان کرسکتا ہے، عمران خان نے کہا کہ اقتدارمیں آکرظلم کا خاتمہ کرینگے پنجابیوں،پختونوں اور سندھیوں کو ایک کرکےمضبوط پاکستان بنائیں گے۔