پشاور: ہوٹل میں فائرنگ سے پولیس اہلکار جاں بحق، ایک زخمی، شب قدر میں گھر پر چھاپہ، اسلحہ، گولہ بارود برآمد

پشاور (وقت نیوز) بخشی پل پشاور کے قریب ایک ہوٹل میں پولیس اہلکاروں پر فائرنگ سے ایک پولیس اہلکار جاں بحق جبکہ ایک زخمی ہو گیا۔ پولیس اہلکار ہوٹل میں کھانا کھا رہے تھے۔ شب قدر میں پولیس نے گھر پر چھاپہ مار کر اسلحہ، بارودی مواد اور خودکش جیکٹ برآمد کر لی۔ نجی ٹی وی کے مطابق گھر سے 21 کلوگرام بارودی مواد، خودکش جیکٹ اور 39 دستی بم کے علاوہ سات ریموٹ کنٹرول ریسیور، 150 سیفٹی فیوز، سات راکٹ شیل، 200 میٹر پرائما کارڈ برآمد کر لئے گئے۔