حافظ آباد (نمائندہ نوائے وقت) الیکشن کمیشن نے حافظ آباد کے حلقہ پی پی 107 کے ضمنی انتخابات کیلئے شیڈول کا اعلان کر دیا ہے۔ انتخابات 29 مئی کو ہونگے۔ امیدواروں سے 29 اور 30 اپریل تک کاغذات نامزدگی طلب کر لئے گئے۔ کاغذات نازمزدگی  کی سکروٹنی 2 تا 6 مئی اور منظور / مسترد کردہ کاغذات کے حوالے سے اپیل 9 مئی تک اور الیکشن ٹربیونل کے سامنے نظرثانی اپیل 13 مئی جبکہ کاغذات نامزدگی واپس لینے کی آخری تاریخ 14 مئی مقرر کی گئی ہے۔ الیکشن کمیشن امیدواروں کی حتمی  فہرست 15 مئی کو شائع کرے گا۔