فیصل آباد (نمائندہ خصوصی) 46واں واپڈا انٹر یونٹ کبڈی ٹورنامنٹ فیسکو گراﺅنڈ عبداللہ پور میں شروع ہو گیا۔ افتتاحی میچ میں میپکو نے گیپکو کو 56 کے مقابلے میں 50 پوائنٹس سے شکست دی جبکہ کھیلے گئے دوسرے میچ میں فیسکو (فیصل آباد) نے لیسکو (لاہور) کو ایک آسان مقابلے کے بعد 45 کے مقابلے میں 27 پوائنٹس سے ہرایا۔ مہمان خصوصی چیف ایگزیکٹو فیسکو رشید احمد اسلم اور فیسکو بورڈ آف ڈائریکٹرز ایچ آر کمیٹی کے کنوینئر جاوید کمال تھے۔ آج کھیلے جانیوالے مقابلوں میں فیسکو کا مقابلہ گیپکو سے جبکہ لیسکو کا مقابلہ میپکو سے ہو گا۔