لاہور(سپورٹس رپورٹر+ نمائندہ سپورٹس)پاکستان کرکٹ بورڈ نے ویسٹ انڈیز کو اس سال متحدہ عرب امارات میں ایک ڈے نائٹ ٹیسٹ میچ کھیلنے کی تجویز دی ہے۔ویسٹ انڈیز کی ٹیم اکتوبر میں متحدہ عرب امارات میں پاکستان سے سیریز کھیلنے والی ہے۔واضح رہے کہ پاکستانی کرکٹ ٹیم اس سال آسٹریلیا کے دورے میں برسبین میں ڈے نائٹ ٹیسٹ میچ کھیلے گی اور پاکستان کرکٹ بورڈ کی خواہش ہے کہ آسٹریلوی دورے سے قبل اسے ایک اور ڈے نائٹ ٹیسٹ کھیلنے کا موقع مل جائے۔ویسٹ اس سے قبل پاکستان کرکٹ بورڈ کی دو ٹی ٹونٹی انٹرنیشنل میچز پاکستان میں کھیلنے کی تجویز مسترد کرچکا ہے۔