گو نواز گو کانعرہ ہر ایک کی زبان پر ہے ‘ چنگیز خان جمالی

کراچی ( اسٹاف رپورٹر) پاکستان پیپلز پارٹی کے مرکزی رہنما اور سابق وفاقی وزیر سائنس اینڈ ٹیکنالوجی میر چنگیز خان جمالی نے کہا ہے کہ پانامہ کیس کے فیصلے نے وزیر اعظم نواز شریف کو ملزم ٹہرا دیا ہے انکا جانا مقدر ہے ملک کے بچے بچے کی زبان پر گو نواز گو کا نعرہ ہے یہ نعرہ ہر تقریب کی زینت بن کر مقبول ہوچکا ہے خود مسلم لیگ کی تقاریب میں نعرے کی گونج سنائی دینے لگی ہے ‘ جو نواز شریف کے لیئے نوشتہ دیوار ہے چنگیز جمالی نے کہاکہ جے آئی ٹی سے وزیر اعظم کو 2ماہ کی مہلت مل گئی ہے اسپر مسلم لیگ جشن منارہی ہے 2ماہ بعد جشن منانے والے کہیں نظر نہیں آئیں گے انہوں نے کہا کہ پیپلز پارٹی کاوفاق کے خلاف تحریک چلانے کافیصلہ قوم کی آواز ہے عوام نواز حکومت سے بیزار ہوچکے ہیں پیپلز پارٹی کی تحریک حکمرانوں کو انجام تک پہنچانے تک جاری رہے گی سابق صدرآصف علی زرداری اور بلاول بھٹو زرداری کی قیادت میں قوم متحدہوچکی ہے نواز حکومت کے دن گنے جاچکے ہیں ۔