صوابی (نوائے وقت رپورٹ) وزیراعلی خیبرپی کے پرویزخٹک نے تخت بھائی جامڑہ میں گرلز کیڈٹ کالج کا سنگ بنیاد رکھ دیا اس موقع پر خطاب کرتے پرویزخٹک نے کہا ملک کے پہلے گرلز کیڈٹ کالج کا قیام یہاں کے لوگوں کیلئے اعزاز ہے۔ خیبرپی کے حکومت نے تعلیمی میدان میں انقلابی اقدامات کئے سابق دور میں تھرڈ ڈویژن پاس ہونے والے اساتذہ کو بھرتی کیا گیا ہم نے میرٹ پر اعلی تعلیم یافتہ لوگ بھرتی کرکے بچوں کا مستقبل تابناک بنایا۔ آصف زرداری اور نوازشریف نے ملک کو لوٹا اے این پی دور میں ایزی لوڈ اور کرپشن کا بازار گرم تھا۔ 65 سال بعد خیبرپی کے میں تعلیمی نظام کو ٹھیک کیا ملک قرضوں میں ںوبا ہوا ہے۔ ایم ایم اے نے اپنے دور حکومت میں اسلام کے لئے کچھ بھی نہیں کیا عمران خان، چار ایماندار لیڈر آنے سے ملک میں انصاف کا بول بالا ہو گا۔