ملتان: کالعدم تحریک طالبان کے 4 دہشت گرد گرفتار، بارودی مواد، نقشے، اہم شخصیات کی تصاویر برآمد

ملتان (آئی این پی) بہاولپور بائی پاس کے قریب سی ٹی ڈی نے کارروائی کرتے ہوئے 4 دہشت گرد گرفتار کر لئے۔ دہشت گردوں کے قبضے سے بارودی مواد‘ اسلحہ‘ نقشے اور اہم شخصیات کی تصاویر برآمد کر لیں۔ گرفتار دہشت گردوں میں فضل‘ اسلم خان‘ گل رحمن اور باسط علی شامل ہیں۔ ان کا تعلق کالعدم تحریک طالبان سے بتایا جاتا ہے۔ دہشت گردوں کو تفتیش کیلئے نامعلوم مقام پر منتقل کر دیا گیا ہے۔