لاہور(سپورٹس رپورٹر) پاکستان فٹبال فیڈریشن نے سوئی سدرن گیس پائپ لائن کے فٹبال ہیڈ کوچ طارق لطفی کو فیفا ورلڈ کپ کوالیفائنگ راونڈ کیلیئے قومی ٹیم کا ہیڈ کوچ مقرر کردیا۔ اس سے قبل پاکستان فٹبال فیڈریشن کی جانب سے قومی ٹیم کے ممکنہ کھلاڑیوں کو تربیعتی کیمپ میں مدعو کیاگیا جو وفاقی دارالحکومت اسلام آباد میں منعقد ہوگا۔ پاکستان فٹبال فیڈریشن کے سیکٹری جنرل محمد صدیق شیخ کے مطابق قومی ٹیم کے تربیعتی کیمپ کا مقصد ہر طرح سے مکمل تیار رہنا ہے۔ محمد صدیق شیخ کا کہنا ہے کہ پاکستان فٹبال فیڈریشن کھیل اور کھلاڑیوں کا نقصان نہیں چاہتی۔