قوم کورونا وائرس کے خلاف جنگ میں کامیاب ہو گی.صدرڈاکٹرعارف علوی

صدرڈاکٹرعارف علوی نے کہا ہے کہ کورونا وائرس کے خلاف اقدامات صوبوں اور وفاقی حکومت کے درمیان مکمل ہم آہنگی کے ساتھ کئے جائیں گے۔انہوں نے پیر کے روزاسلام آباد میں قومی ادارہ صحت کے دورے کے موقع پر اظہار خیال کرتے ہوئے کہا کہ ہم اعداد و شمار کے تبادلے میں تعاون یقینی بنا رہے ہیں۔ صدرنے ادارے کے ایمرجنسی سینٹر کا دورہ بھی کیا۔انہوں نے امیدظاہر کی کہ قوم کورونا وائرس کے خلاف جنگ میں کامیاب ہو گی۔