ہرارے(وائس آف ایشیا)پاکستان اور زمبابوے کی ٹیموں کے درمیان2 ٹیسٹ میچز کی سیریز کھیلی جائے گی، سیریز کا پہلا ٹیسٹ 29 اپریل سے شروع ہوگا۔اس سلسلے میں زمبابوے میں موجود پاکستا ن کرکٹ ٹیم کا ٹیسٹ اسکواڈنے گزشتہ روز ہرارے میں ٹریننگ کی۔قومی ہیڈ کوچ مصباح الحق کا کہنا ہے کہ کھلاڑیوں میں موجود خامیاں دور کرنے پر توجہ ہے اور امید ہے کہ ٹیم فتوحا ت کی جانب پیش قدمی جاری رکھے گی پاکستان سے ٹیسٹ اسکواڈ کے11 ارکان 21 اپریل کو زمبابوے پہنچے تھے جو ٹی ٹوئنٹی سیریز کے بعد اسکواڈ کے دیگر کھلاڑیوں کے ساتھ اکٹھے ہوئے ہیں۔ٹیسٹ اسکواڈ کے ارکان نے کوویڈ ٹیسٹنگ اور5 روز الگ رہنے کے بعد دیگر ارکان کو جوائن کیا، اس سے قبل پاکستان سے جانے والے کرکٹرز الگ ٹریننگ میں بھی مصروف رہے۔