کراچی (وقائع نگار) سندھ ٹاسک فورس نے صوبے میں کوروناایس اوپیز پر عملدرآمد کیلئے فوج کی تعیناتی کی سفارش کردی ، سندھ میں فوج کی تعیناتی کیلئے  خط آج وفاقی حکومت کو بھجوانے کافیصلہ کرلیاگیاتفصیلات کے مطابق سندھ ٹاسک فورس نے صوبے میں فوج کی تعیناتی کی سفارش کردی ،ذرائع کا کہنا ہے کہ سندھ میں کوروناایس اوپیز پر عملدرآمد کرانے کیلئے فوج تعینات کی جائے گی ، محکمہ داخلہ سندھ کی جانب سے آج وزارت داخلہ کو خط لکھا جائے گا،ترجمان سندھ حکومت نے کہا ہے کہ سندھ میں فوج کی تعیناتی کیلئے خط آج وفاقی حکومت کو بھجوایا جائے گاگذشتہ روز وزیر داخلہ شیخ رشید احمد نے اعلان کیا تھا کہ سندھ کو چھوڑ کر تین صوبوں میں? ایس اوپیز کے نفاذ کے لئے پاک فوج کی تعیناتی کی منظوری دی گئی ہے۔