لاہور(کلچرل رپورٹر) معروف اداکارہ علیزے شاہ کی کشمیری دلہن بنے تصویروں کو سوشل میڈیا پر خوب چرچے ہیں۔اداکارہ نے حال ہی میں اپنے انسٹاگرام اکائونٹ پر اپنی سرخ عروسی جوڑا زیب تن کیے تصاویر جاری کیں جس میں وہ انتہائی دلکش دکھائی دے رہی ہیں۔علیزے شاہ کی پوسٹ میں ایک تصویر میں انہیں سمیع خان کیساتھ بھی دیکھا جاسکتا ہے جس سے اندازہ ہوتا ہے کہ یہ تصاویر ان کے کسی پراجیکٹ کی عکسبندی کے دوران لی گئی ہیں۔علیزے شاہ کی ان تصاویر کو مداحوں کی جانب سے خوب پسند کیا جارہا ہے، ان تصاویر پر لائیک کرنے والوں کی تعداد ایک لاکھ سے تجاوز کر گئی ہے۔