لاہور(سپورٹس رپورٹر)سابق آل رائونڈر عبدالرزاق کے ہیئر سٹائل نے ان دنوں سب کی توجہ حاصل کی ہوئی ہے۔42 سالہ عبدالرزاق نے ٹین ایجرز کی طرح ایسی کٹنگ کرائی ہے کہ ہر کسی کی توجہ حاصل کئے ہوئے ہیں، جس تقریب میں بھی جائیں وہاں انہیں کٹنگ کے حوالے سے تعریف ہی سننے کو ملتی ہے۔عبدالرزاق لاہور میں ایک تقریب میں شریک ہوئے جہاں سابق کپتان انضمام الحق، وقار یونس، شاہد آفریدی اور مشتاق احمد بھی شریک تھے۔سابق کپتان شاہد آفریدی زیادہ متاثر ہوئے، عبدلرزاق کی کٹنگ کی تعریف کی اور کہا کہ ینگ لگ رہے ہو، کٹنگ کرائی کہاں سے ہے۔سابق کپتان انضمام الحق بھی عبدالرزاق کی کٹنگ کو غور سے دیکھتے رہے جبکہ سابق کپتان وقار یونس بھی ان کی تعریف کیے بغیر نہ رہ سکے۔عبدالرزاق کا کہنا ہے کہ ہمیشہ ایک ہی سٹائل رہا ہے اب تھوڑی تبدیلی لانے کی کوشش کی ہے۔