پرنس ہیری اور ان کی اہلیہ کے درمیان ازدواجی زندگی کا اختتام اچھا نہیں ہو گا‘مجھے میگھن کبھی بھی پسند نہیں تھیں‘میگھن ہیری پر حکم چلاتی ہیں‘ شاہی خاندان کی قربانی دینے والے شہزادے ہیری کو میگھن کسی دوسرے شخص کیلئے چھوڑ دیں گی
سابق امریکی صدر ڈونلڈ ٹرمپ کا برطانوی چینل کو انٹرویو
سابق امریکی صدر ڈونلڈ ٹرمپ نے برطانوی شہزادے ہیری اور ان کی اہلیہ کے درمیان طلاق کی پیش گوئی کر تے ہوئے کہا ہے کہ پرنس ہیری اور ان کی اہلیہ کے درمیان ازدواجی زندگی کا اختتام اچھا نہیں ہو گا‘مجھے میگھن کبھی بھی پسند نہیں تھیں‘میگھن ہیری پر حکم چلاتی ہیں‘ شاہی خاندان کی قربانی دینے والے شہزادے ہیری کو میگھن کسی دوسرے شخص کیلئے چھوڑ دیں گی۔برطانوی چینل کو انٹرویو دیتے سابق صدر کا کہنا تھا کہ ان کا خیال ہے کہ شاہی جوڑے کے درمیان طلاق ہو جائے گی، پرنس ہیری اور ان کی اہلیہ میگھن مارکل کے درمیان ازدواجی زندگی کا اختتام اچھا نہیں ہو گا، ڈونلڈ ٹرمپ نے مزید کہا کہ میگھن ہیری پر حکم چلاتی ہیں۔ جبکہ ملکہ برطانیہ کو ہیری اور میگھن کی شاہی حیثیت ختم کر دینی چاہیے تھی۔سابق امریکی صدر نے انٹرویو میں یہاں تک کا کہا کہ شاہی خاندان کی قربانی دینے والے شہزادے ہیری کو میگھن کسی دوسرے شخص کے لیے چھوڑ دیں گی.ٹرمپ نے یہ بھی کہا کہ وہ بہت اچھی پیش گوئیاں کرتے ہیں جو بعد میں جا کر ٹھیک ثابت ہوتی ہیں، اور انہیں میگھن کبھی بھی پسند نہیں تھیں۔ یاد رہے 2020 کے انٹرویو میں بھی سابق امریکی صدر نے میگھن سے متعلق اپنی ناپسندیدگی کا اظہار کیا تھا اور کہا تھا کہ میں شہزادے ہیری کے لیے نیک خواہشات کا اظہار کرتا ہوں کیونکہ انہیں اس کی ضرورت ہے۔