پاکستان نے نیشنل امیچر گالف چیمپئن شپ میں جے وردھنے ٹرافی جیت لی

لاہور(سپورٹس رپورٹر)نیشنل امیچر گالف چیمپئن شپ میں پاکستان نے جے آر جے وردھنے ٹرافی جیت لی۔لاہور کے جمخانہ گالف کلب میں پاکستان اورسری لنکا کے گالفرز کے درمیان جے آر جے وردھنے ٹرافی کیلئے 18 ہولز کے میچ میں مقابلہ ہوا۔میچ کے دوران پاکستان کے سلمان جہانگیر نے 72 سٹروکس اور قاسم علی خان نے 76 سٹروکس سکور کیا، مجموعی طور پر پاکستان کا سکور 148 سٹروکس رہا جبکہ سری لنکا کے گالفرز نے مجموعی طور  پر155 سٹروکس سکور کیا۔جے آر جے وردھنے ٹرافی کیلئے ہونے والے 18 ہولز کے میچ میں پاکستان نے سات سٹروکس کے فرق سے کامیابی حاصل کی۔