لاہور(سپورٹس رپورٹر) 2009ء کی فاتح ٹیم 27اپریل کو ہیوسٹن میں مقامی فرنچائز نائٹ رائیڈرز یونائیٹڈ سے نمائشی میچ کھیلے گی۔ٹی ٹونٹی ورلڈکپ 2009کی فاتح ٹیم اس وقت کے کپتان یونس خان کے ہمراہ ان دنوں امریکہ کے مختلف ریاستوں کے ٹور پر ہے جہاں ٹیم کے 7نامور کھلاڑی ٹرافی کے ہمراہ مختلف ایونٹس میں شرکت کررہے ہیں۔ فرنچائز نائٹ رائیڈرز یونائیٹڈ سے نمائشی میچ کھیلے گی جس میں کپتان یونس خان کے ہمراہ شاہد آفریدی، مصباح الحق، عبدالرزاق، کامران اکمل، عمر گل اور فواد عالم شامل ہیں جبکہ وہاں موجود کرکٹرز عثمان شنواری، جان نثار خان، محمد محسن اور نعمان انور بھی ٹیم کا حصہ ہونگے۔ مقامی فرنچائز نائٹ رائیڈرز یونائیٹڈ کی ٹیم مختلف ملکوں کے کھلاڑیوں پر مشتمل ہے جس میں امریکی کھلاڑیوں کیساتھ پاکستان، بھارت، ویسٹ انڈیز اور جنوبی افریقہ کے کھلاڑیوں کو بھی شامل کیا گیا ہے۔فرنچائز ٹیم کی کپتانی جسکرن ملہوترہ کریں گے جب کہ دونوں ٹیموں کے درمیان نمائشی میچ ٹیکساس کے شہر ہیوسٹن کے موسی کرکٹ سٹیڈیم میں کھیلا جائیگا۔