لاہور(نامہ نگار)شہر میں مختلف واقعات میں 5افراد جاں بحق ہو گئے ہیں۔شادمان کے علاقے میں ٹریفک حادثے میں زخمی ہونیوالی 45 سالہ گداگر خاتون دوران علاج ہسپتال میں دم توڑ گئی ہے۔شاہدرہ کے علاقے بیگم کوٹ میں 65سالہ معمر شخص فٹ پاتھ کنارے مردہ حالت میں ملاہے۔شمالی چھاؤنی کے علاقے میں 70سالہ بزرگ شہری دوران نمازحرکت قلب بند ہونے سے جاں بحق ہوگیا ہے۔جنوبی چھاؤنی سے معمر شخص کی نعش برآمد ہوئی ہے ۔ چوکی گلدشت ٹاؤن میں 25 سالہ نوجوان نشے کی زیادتی کے باعث ہلاک ہوگیا جس کی شناخت 25سالہ شہروز ولد خالد کے نام سے ہوئی ہے۔پولیس اور فرانزک ٹیم نے شواہد جمع کرکے تمام نعشیں پوسٹ مارٹم کیلئے مردہ خانے منتقل کر کیمختلف پہلوؤں پر تحقیقات شروع کر دی ہے۔