لاہور( نامہ نگار) لاہور ہائیکورٹ بار کانفرنس ہال میں بسمل آرٹس کونسل کے زیر اہتمام گزشتہ روز شاعر و ادیب سید محمود الحسن گیلانی ایڈووکیٹ کی کتاب ’’ کنج منانواں تینوں‘‘کی تقریب رونمائی اور عید ملن محفل مشاعرہ ہوا ،جس کی صدارت سیالکوٹ کے معروف ادیب ایوب صابر نے کی۔ مقررین نے کہا کہ چیئرمین بزم سرخیل ادب محمود الحسن گیلانی کی ادب کیلئے خدمات لائق تحسین ہیں۔اس موقع پرمحمود گیلانی، ڈاکٹر کنول فیروز،ممتاز راشد لاہوری،محمد یوسف چشتی،تنویر سخن ،عبدالعزیز،روبینہ شاہین،اشفاق فلک،سرور جند کڑکی،شوکت ناز، ساجد حسین ،ڈاکٹر ممتاز عقیل،نجمہ شاہین،گل نسرین،ریحانہ عثمانی ،محمد عزیز اور دیگر شعراء نے اپنا کلام پیش کرکے حاضرین مجلس سے خوب داد وصول کی۔