کاریں، موٹرسائیکلیں چوری، ڈاکوؤں نے کئی گھر لوٹ لئے

لاہور (نامہ نگار) ڈاکوؤں اور چوروں نے شہریوں سے لاکھوں روپے مالیت کی نقدی، زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے ڈیفنس کے علاقے میں جبار کے گھر گھس کر اہلخانہ کو یرغمال بنا کر ساڑھے 6 لاکھ روپے مالیت کی نقدی، طلائی زیورات، موبائل فون اور دیگر سامان، ٹاؤن شپ کے علاقے میں بہادر سے 2 لاکھ روپے اور موبائل فون، مصطفی آباد کے علاقے میں طارق سے 3 لاکھ روپے اور موبائل فون، بادامی باغ میں اکرام سے 2 لاکھ روپے اور موبائل فون، ساندہ کے علاقے میں بلال سے دو لاکھ روپے اور موبائل فون، کوٹ لکھپت کے علاقے میں فاروق سے 3 لاکھ روپے اور موبائل فون، مزنگ کے علاقے میں جنید سے ایک لاکھ روپے اور موبائل فون، اقبال ٹاؤن کے علاقے میں فرقان سے ایک لاکھ روپے اور موبائل فون، قلعہ گجر سنگھ کے علاقے میں حیدر سے 31ہزار روپے اور موبائل فون لوٹ لیا۔ وحدت کالونی میں احسن قیوم مغل کی گاڑی سے بیٹری چوری کرلی۔ چوروں نے ڈیفنس، مانگا منڈی اور گڑھی شاہو کے علاقوں میں سے تین گاڑیاں جبکہ غالب مارکیٹ، شفیق آباد، مصری شاہ، کاہنہ، نواں کوٹ، شمالی چھاؤنی لوِئرمال اور سندر کے علاقوں میں سے آٹھ موٹرسائیکلیں چوری کر لیں۔