لیاقت باغ میں سوئمنگ پول کی تعمیر سے صحتمندانہ سرگرمیوں کو فروغ ملے گا، ناصر بٹ 

اسلام آباد(سٹاف رپورٹر)سابق وزیراعظم میاں نواز شریف کے قریبی ساتھی سینیٹر ناصر بٹ نے لیاقت باغ منی سپورٹس کمپلیکس میں سوئمنگ پول کا افتتاح کر دیا،سوئمنگ پول 204 ملین روپے سے زائد رقم سے بنایا گیا افتتاحی تقریب سے خطاب کرتے ہوئے سینیٹرناصر بٹ نے کہاکہ وزیر اعلی پنجاب مریم نواز شریف کا ویژن ہے کہ راولپنڈی میں نوجوان صحتمندانہ سرگرمیوں میں حصہ لیں،اسی لیے ہم نے سوئمنگ پول کا افتتاح کردیاہے، انشا اللہ 25مئی تک مکمل اورفعال ہوجائے گا ۔انہوں نے کہاکہ آرڈی اے اور واسا سمیت جو افسر پنڈی میں کام نہیں کرے گا وہ یہاں نہیں رہے گا شہر سے منشیات کے خاتمے کے لیے عوام کے ساتھ پولیس کی مدد کی ضرورت ہے