سعودی عرب کے شہر ریاض میں سفارت خانہ پاکستان میں عالمی عید ملن پارٹی کے ساتھ ساتھ محفل مشاعرہ کا اہتمام کیا گیا جس میں پاکستان کے معروف  نامور شعراء￿ کرام نے اپنا اپنا کلام پیش کرکے  خوب داد سمیٹی۔
دارالحکومت ریاض میں ادبی تنظیم حلقہ فکروفن اور صحافتی تنظیم پاک میڈیا فورم نے سفارت خانہ پاکستان کے تعاون سے عالمی عید ملن پارٹی اور خوبصورت محفل مشاعرہ سجایا جسکی صدارت نامور شاعر آفتاب علی ترابی نے کی جبکہ پاکستان کے نامور شعراء￿  کرام میں علی زریون،خالد معین، عرفان ستار، طیب رضا،ڈاکٹر حنا امبرین طارق،خالدہ عظمیٰ، وقار نسیم وامق، اور دیگر شعراء￿  کرام شریک ہوئے جبکہ سفارتی افسران اور کمیونٹی کے مردوخواتین کی بڑی تعداد میں  شعراء￿  کرام کو سننے پہنچی اس موقعہ پر شرکاء￿  نے شاندار انداز میں اپنا اپنا کلام پیش کیا اور خوب داد حاصل کی۔
عالمی عید ملن محفل مشاعرہ کے شرکاء￿  سے خطاب کرتے ہوئے سفارت خانہ پاکستان کے ہیڈ آف چانسری محسن سیف اللہ، پاک میڈیا فورم کے صدر ذکاء￿ اللہ محسن اور حلقہ فکروفن کے ناظم الامور ڈاکٹر طارق عزیز کا کہنا تھا کہ عید ملن محفل مشاعرہ کا مقصد لوگوں کو پردیس میں دیس کے رنگوں سے ہمکنار کرنا تھا جس سے اردو ادب کی ترویج کو فروغ دینا بھی تھا۔
مقامی شعراء￿  کرام میں قلب عباس،مسعود جمال،سائرہ ناز ،کامران حسانی، ظفر اقبال اور دیگر نے بھی اپنا اپنا  کلام پیش کرکے شرکاء￿  سے خوب داد حاصل کی۔